11 jona 2024 — Talata, Herinandro Tsotra fahafolo Mandavantaona — Asehoy ny mpanomponao ny Tavanao, ary ampianaro ahy ny fitsaranao — Evanjely Masina nosoratan’i Masindahy Matio (Mt. 5, 13-16)
Ianareo no fahazavan’izao tontolo izao, tsy azo afenina izay tanàna miorina eo antampon-tendrombohitra, miantefa aminao mpino izany teny izany ao anatin’izao vanim-potoana sarotra izao. Izao no tokony tena hijoroana ho tena kristianina hanara-dia ny Tompo fahazavan’izao tontolo izao, mijoroa amin’ny fahamarinana. Torio i Jesoa Kristy amin’ny manodidina anao fa tsy misy famonjena afa-tsy aminy irery ihany. Tandremo ny fitondran-tena mba tsy ho azon’ny fankam-panahy. Moa tena fanasina tokoa va ianareo mba ho fitaratra eo amin’ny fiaraha-monina, ho fahazavana. Ny andininy faha-16: aoka hazava eo imason’ny olona toy izany ny fahazavan’izao: mba ahitany ny asa soa ataonareo ka hankalazany ny rainareo any andanitra.
Ambaranao aminay ry Jesoa ny tena tokony ho toetranay kristianina, mbola tsy ampy anefa ny herinay raha tafasaraka aminao sy tsy manana anao izahay, koa tafio herim-po hijoro ho fanasina sy fahazavanao mandrakizay. Amen.
