Sabotsy 07 desambra 2019 - Herinandro voalohany amin'ny Fiavian'ny Tompo.
Evanjely Masina nosoratan'i Masindahy Matio 9, 35 — 10, 1. 6-8.
Manandrata feo eny amin'ny tendrombohitra ianao izay mitory teny soa. Indro fa tonga amin'ny heriny ny Tompo.

Ireo asam-pamonjena sy asam-pitoriana nataon'i Jesoa tao amin'ny Vaovao Mahafaly androany no iraka voalohany nataony tao aorian'ny bateminy. Manao ny ainy tsy ho zavatra amin'ny famonjena ny hafa i Jesoa. Mamarana ny herinandro voalohany sahady isika amin'ny Fiaviana. Ampirisihan'ny Fiangonana mandrakariva mba hihomana sy hanomana. Ny endrik'izay fanomanana sy fihomanana izay raha tarafina ao amin'ny Evanjely androany dia ilay iraka nataon'i Jesoa amin'ireo mpianany.

Niantso ny mpianany Izy, ary naniraka azy ireo indray avy eo. Dia ataoko fa toa izany koa ny fiainantsika kristianina. Mba samy efa nantsoin'Andriamanitra, dia nirahiny ho eo anivon'ny olona rehetra mba hitaona ny hafa, hanentana ny olona tsirairay amin'ny fahatongavan'ny Tompo.

Maro tokoa mantsy ny olona ankehitriny no difotry ny asa aman-draharaha, revon'ny fitadiavana sy ny fiainana ary lasa manadinodino an'Andriamanitra indraindray. Izay ilay nolazain'i Kristy hoe: "mandehana any amin'ny ondry very amin'ny taranak'Israely".

Ry havana, foanan'ny fihomanana tokoa àry izao, koa samia misikimponitra manatona an'Andriamanitra ao amin'ny Fiangonana. Hifaninano ny mifanao soa sy mifanampy. Aoka mba tsy hisy samy maka ho azy fa ny Fiangonana fiombonana.

Anjely mpiambina anay! Ambeno sy arovy izahay.