Alatsinainy 2 janoary 2023 — Mialoha ny Nisehoan'ny Tompo — Fahiny imbetsaka Andriamanitra no niteny tamin’ny razantsika tamin’ny vavan’ny Mpaminany; nony farany, amin’izao androntsika izao kosa, dia ny Zanany mihitsy no itenenany amintsika — Evanjely Masina nosoratan'i Masindahy Joany 1, 19-28

Henontsika teo valintenin’i Joany tamin’ireo iraky ny Farisianina sy ny Jody fa tsy i Kristy izy, fa ilay feo avy any an’efitra, tsy izy no Mesia, ilay voahosotra; tsy izy koa no ilay Elia izay nandrasan’i Israely hanomana ny lalan’ny Tompo (Malakia 3, 1), ary tsy izy no ilay mpaminany andrasana, ilay Moizy vaovao andrasan’i Israely (Det 18, 15. 18). Feo ihany i Joany, ary feo miantso any an’efitra miangavy mba hanitsiana ny lalan’ny Tompo. Tsy milaza hoe “Izaho no”, izay atokana ho an’Andriamanitra, fa hoe “izaho feo”, feo miantso any an’efitra (Izaia 40, 3). Feon’ny olombelona rehetra ihany koa, miantsoantso eo am-piandrasana ilay efa eo anivontsika ka tondroiny mba hoharahina. Tsy azo adinoina anefa fa tsy misy Teny azo ampitaina raha tsy amin’ny alalan’ny feo, ary ny feo dia mitondra ny “teny” tiany hambara mandrakariva.

Isika tsirairay ihany koa mamita ny iraka ankehitriny, tsy i Kristy isika fa miaina ny teniny sy miombona aminy, ka isika no feo hitondra ny teniny, ilay teny mitondra famonjena ho an’ny hafa, mitondra Vaovao Mahafaly, teny mampita aina vaovao. Ka aoka ny teny ambarantsika mba ho teny manampy ny olona hanokatra ny fony handray an’Andriamanitra, teny hampibebaka ny olona tahaka ny nataon’i Joany, mpialoha lalana an’i Kristy.

Angatahontsika ny fahasoavana hihainana araka ny Fanahy, mba hitoerantsika mandrakariva ao amin’ny Ray sy ny Zanaka ka hahazoantsika ny fiainana mandrakizay, santarintsika dia ny ety an-tany ka ho mandrakizay.

Miara-dàlana] Alatsianiny 29 septambra 2025

• Nanentana ny kristianina rehetra, hivavaka sy handini-tena, ny avy eo anivon'ny Fiombonan'ny Fiangonana Kristianina eto Madagasikara, tamin'ny hafatra navoakan'izy ireo ny zoma 26 septambra 2025... • Tontosa ny sabotsy 27 septambra 2025, ny famindrana ny taolambalon'i Mompera Vladimir, izay tany amin'ny Diosezin'i Toamasina, ho ao amin'ny fasan'ny Fikambanana ao Ambohidratrimo Antananarivo... • Notontosaina ny sabotsy 27 septambra 2025 ny fitsofan-drano ny fasana ary ny famindrana ireo pretra sy frefra miisa 13 efa nialoha lalana, teny amin'ny Monasitera Masina Maria Ambohimanjakarano Mahitsy...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...