Talata 18 ôktôbra 2022 — Masindahy Lioka, evanjelistra — Izaho no nifidy anareo teo amin’izao tontolo izao mba handehananareo sy hahavokaranareo ary hampaharitra ny vokatrareo, hoy ny Tompo — Evanjely Masina nosoratan'i Masindahy Lioka 10, 1-9

Naniraka ny mpianany tsiroaroa i Jesoa hitory ny vaovao famonjena ny olombelona. Ny fandehanana tsiroaroa dia maneho amintsika fa ny fitoriana ny tenin’Andraimanitra dia asan’ny Fiangonana. Ka eto i Jesoa dia te hanasa antsika rehetra mba hiasa miaraka ary hahay miara-miasa amin’ny fanitarana fanjakan’Andriamanitra.

Henontsika teo fa rehefa naniraka ireto mpianatra i Jesoa dia nanome azy ireo toromarika. Ny voalohany dia nanafatrafatra i Jesoa fa ny asa fanitarana ny fanajakan’Andriamanitra dia tokony hatao amin-kalemempanahy : "mandehana, indro aho maniraka anareo tahaka zanak’ondry eo afovoan’ny ambodia". Tsy terena ny olona handray ny fampianarana ny Vaovao Mahafaly sy hino fampianaran’ny mpianatra, fa omena fahafahana malaka ny olona handray na tsy handray ny tenin’Andriamanitra. Ny toromarika faharoa dia ny tsy fifikirana amin’ny haren’ny tany : "aza mitondra kitapom-bola na kitapo hafa, na kiraro, ary aza miarahaba olona akory eny an-dalana" ; ny zavatra tokony himatimatesan’ny mpianatra voalohany indrindra dia ny fampitana ny tenin’Andrimanitra. Izay no voalohan-daharana. Ny fizarana ny teniny no voalohan-draharaha rehefa hadeha hanao ny iraka hanasany antsika : "Katsao aloha fanajakan’Andriamanitra dia omena anao fanampiny sisa". Rehefa matoky azy izy ka vonona hizara ny teniny ; dia Andriamanitra manome fahasoavana izay ilaintsika. Izay matoky azy dia Andriamanitra tsy mivadika fa mampanantena ny tena fiainana ho antsika mandrakariva.