Talata 20 septambra 2022 — Herinandro Tsotra fahadimy amby roapolo Mandavantaona — Raha misy tia Ahy, dia hitandrina ny teniko izy; ka ho tian’ny Raiko ary hankao aminy izahay, ka honina ao aminy — Evanjely Masina nosoratan'i Masindahy Lioka 8, 19-21
Sao sendra misy diso hevitra na diso fandray àry isika, raha mandinika ity tenin'Andriamanitra nohenointsika teo ity ka sahy hilaza hoe fa adala ve i Kirsty sa mody adala no tsy mahalala ny reniny izay manatona azy. Na koa hanambara ity voalazan'ny fianakaviany ity araka ny voasoratra amin'ny Marka 3, 21, milaza hoe : "Efa very saina izy". Tsy izany tsy akory, fa i Kristy no tonga tety an-tany dia tonga ho an'ny olon-drehetra, indrindra ho an'izay mihaino sy mankato ny teniny. Tsy hoe manilika ny reniny na manao tsinontsinona azy i Kristy eto fa te hanamafy aza fa ny fianakaviany dia ny olon-drehetra, indrindra ireo tsy misaraka aminy. Midika izany fa tsy manavaka i Kristy. Isika rehetra izao àry no fianakavian'Andriamanitra, koa mahaiza mankato sy mihaino ny teniny.
