Sabotsy 22 janoary 2022 — Herinandro faharoa mandavantaona — Omeo fahalalana aho, ry Tompo, hitandremako ny lalànao, ary hanarahako azy amin’ny foko tontolo — Evanjely Masina nosoratan'i Masindahy Marka 3, 20-21

Rehefa avy nanasitrana olona maro sy nandroaka ny fanahy maloto i Jesoa, dia betsaka ireo nanaraka Azy hatraiza hatraiza. Hany ka na ny toerana na ny fotoana hihinanany ary dia tsy misy. Midika izany fa nataony ambonin’ny zavatra rehetra ny asa izay nanirahan’ny Ray Azy. Tsy nitandro hasasarana Izy mba hanatanteraka izany, satria tiany ho voavonjy ireto vahoaka ireto. Tsara ny manamarika fa tsy ny vatana ihany no sitraniny rehefa manasitrana Izy fa indrindra ihany koa ny fanahy. Amin’izay mantsy, dia ny maha olona rehetra mihitsy no sitrana.

Manoloana izany dia lasa nanohitra Azy ireo havany ka nihevitra an’i Jesoa ho very saina. Tian’izy ireo mantsy izy mba hitsahatra amin’ireo asa fanirahana izay nataony. Ny fihevitr’Andriamanitra tokoa tsy fihevitr’olombelona.