Tsy mety mandray ravin-deno sy manao raharaha intsony ny zanaka fa variana ao amin’iny fitaovana kely safosafoina sy pendipendena tontolon’ny andro iny. Lasa miteraka hamaivanan-doha eo amin’ny zanaka matetika satria tsy miditra intsony mihitsy ny anatra sy ny fanabeazana omen azy mivantana. Ary tsy vitan’izany fa ny fanekena ny ray aman-dreny dia raisina ho didiko fe lehibe sisa.
Ny ray aman-dreny koa moa efa difotry ny fitadiavana ka tsy manana fotoana intsony mba hiresahana momba ny finoana amin’ireto sombin’ny aina. Lasa olana io satria fombafomba sy lamaody ary fisehosehoana sisa ny mandeha mivavaka. Katesizy momba ny fianakaviana iarahana amin’i P. Randriamanamahenina Robert Maria
