06 septambra — Teraka tao Garrigues akaik’i Uzès i Bertrand, iray amin’ireo mpiara-dia tamin’i Masindahy Dominique izy. Nanintona azy ny fahamasinana sy ny fanirian’i Masindahy Dominique ny hampibebaka an’i Cathares amin’ny alalan’ny vavaka sy ny oha-piainana amin’ny fahantrana.

Tamin’ny taona 1216 notendrin’i Dominique ho lehiben’ny trano tao Toulouse i Bertrand. Avy eo nirahany tany Paris mba hanorina tranon-drelijiozy ao anatin’ny université. Ny 1217 izy no nanangana ny trano, nampitondrainy ny anarana hoe Saint-Jacques ary rehefa niverina tany amin’ny toerana nahaterahany izy dia nanorina trano maro tany Montpellier, tany Avignon. Lasa lehiben’ny faritany Provence Alpes Pyrénées izy ny taona 1221.

Rehefa maty i Masindahy Dominique dia nanampy ireo masera tao amin’ny trano monastera tao Prouille izy, trano fandraisana ireo vehivavy Cathares nibebaka. Nodimandry ny 18 avril 1230 moa i Bertrand raha izy izay nanao fiatahana masina izay nitoriany tamin’ireo relijiozy siterisianina tao Drôme tao Bouchet akaikin’i Orange toerana niatahany. Nandritra ny taonjato maro dia nataon’ny olona fanaovana fivahinianana masina ny ao amin’ny fasan’i Bertrand. Ny sariny dia hajain’ny olona izay efa nanao azy ho olomasina.

Ny taona 1870 ny eveka tao Valence i monseigneur Francis Guelette no nanome alalana ny fanajana n’i Bertrand. Nanomboka teo ny fanadratana azy ho olomasina dia efa natolotry ny eveka tao Paris, Toulouse, Marseille, Valence, Nîmes sy ny fikambanana dominikanina ny fangatahana azy ho olotsambatra. Farany ny papa Leon XIII nanome ny fankatoavana ny 1881 ary nonome alalana amin’ny fombam-pivavahana fanajana an’i Bertrand ao amin’ny diosezin’i Nîmes sy Valence ka ny daty ny 06 septambra no fanajana azy.

Miara-dàlana] Alatsianiny 29 septambra 2025

• Nanentana ny kristianina rehetra, hivavaka sy handini-tena, ny avy eo anivon'ny Fiombonan'ny Fiangonana Kristianina eto Madagasikara, tamin'ny hafatra navoakan'izy ireo ny zoma 26 septambra 2025... • Tontosa ny sabotsy 27 septambra 2025, ny famindrana ny taolambalon'i Mompera Vladimir, izay tany amin'ny Diosezin'i Toamasina, ho ao amin'ny fasan'ny Fikambanana ao Ambohidratrimo Antananarivo... • Notontosaina ny sabotsy 27 septambra 2025 ny fitsofan-drano ny fasana ary ny famindrana ireo pretra sy frefra miisa 13 efa nialoha lalana, teny amin'ny Monasitera Masina Maria Ambohimanjakarano Mahitsy...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...