25 jolay — I Jakôba na Jacques Zokiny dia zanak’i Zebede sy i Salome, rahalahin’i Joany evanjelista. Nantsoina hoe zokiny izy mba hanavahana azy amin’ilay apôstôly mitovy anarana aminy. Eveka tao Jerosalema izy. Avy any Galilea i Jacques ary zokin’i Jesoa roa ambin’ny folo taona.

Mpanjono sy mpanarato no asany, mitovy amin’ny rainy sy ireo rahalahany. Indray andro raha teo am-pikarakarana ireo aratony izy, teo amoron’ny onin’i Genezareta, no nantsoin’i Jesoa ho mpanarato olona. Nilaozany ny rainy sy ny sambo ary nanara-dia an’i Jesoa izy ka tonga apôstôly. Rehefa nirahana nizarazara tany amin’ny toerana maro ireo apôstôly dia tonga tao Espagne i Jacques, voatetiny ny tanana, tsy nitandro hasasarana izy ; nefa dia vitsy monja ny mpianany, satria dia sivy no nibebaka, nefa tsy nahakivy azy izany fa noheveriny fa efa vokatra tsara.

I Jacques no niangavian’i Maria Virjiny hanangana Chapelle iray ho fanajana azy hiarovana an’i Espagne raha teo koa. Ary maro ny fomba anehoan’i Masina Maria amin’ireo Espagnols fa eo ambany fiahiany izy ireo. Rehefa niverina tao Jerosalema i Jacques dia nitory ny finoana an’i Jesoa Kristy ary nampibebaka olona maro. Indray andro, raha nitoriteny izy dia nisy antokon’olona nanohitra azy. Nentina teo anoloan’i Hérode izy, ary nambara fa maka fanahy ny vahoaka ka mendrika ho faty. I Hérode moa tsy dia miasa saina loatra fa manao izay mahafinaritra azy fotsiny. Avy hatrany dia nanome baiko izy hanapaka ny lohan’ity apôstôly ity. Nentina tany Espagne àry ny vatana mangatsiakan’i Jacques satria dia noheverina fa efa an’io toerana niasany io izy, izay toerana nitoriany ny Vaovao Mahafaly. Izy no mpiaro an’i Espagne tamin’ireo fifanoherana tamin’ireo Sarazins. Ary anisan’ireo toerana fanaovana fivahinianana masina malaza eran-tany ny ao Espagne ny ao amin’ny Saint-Jacques-de-Compostelle.

[Miara-dàlana] Zoma 9 mey 2025

• Nankahery ny vahoaka maneran-tany, hampanjaka ny fiadanana sy ny fandriam-pahalemana, ny Papa Léon XIV, tamin'ny fisehoany voalohany teo amin'ny Bazilikan'i Masindahy Piera ny 8 mey 2025 tamin'ny 7 ora sy 25 minitra, ora tany Roma... • Manentana ny olon-dehibe rehetra manerana an'i Madagasikara ny avy eo anivon'ny Vovonam-pirenena Katolikan'ny Lehibe, mba tsy hiandry farany vao hisoratra anarana, ho an'izay hiatrika ny JNA any Morondava... • Fenofeno ny fandaharam-potoanan'ny Papa Léon XIV, manomboka androany zoma 9 mey hatramin'ny sabotsy 24 mey 2025...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...