09 febroary — Raha araka ny fitantaran'i Masindahy Denys, eveka tao Alexandrie, i Apolline dia martiry tamin'ny taona 249, fotana nanjakan'ny Amperora Philippe l'Arabe izay nanenjika fatratra ny kristianina. Tamin'izany fotoana izany, nisy fifanjevona ka nasaina nivoaka ny tranony avokoa ny kristianina rehetra. Novonoina izy ireo rehefa avy nanatrika ny fandrobana ny fananany.

Anisan'ireny i Apolline, nopotehina ny nifiny ary nilatsaka hatramin'ny valanoranony. Tsy nijanona hatreo anefa izny fampijaliana azy izany fa norahonana izy mba hiteny ratsy ny fivavahana raha tsy izany dia ho dorana velona. Tamin'io fotoana nandrahonana azy io dia efa nataon'ireo mpampijaly vonona ny kitay sy ny afo handorana azy. Nangataka fotoana fohy i Apolline hieritreretana, ka raha vao nihodina ireo mpampijaly azy dia afaka niala tamin'ny tanan'izy ireo izy ka izy tenany ihany no niantsapy tao amin'ilay afo.

Noho izy nampijaliana tamin'ny fanalana ny nifiny sy ny nanapahana ny valanoranony dia antsoina izy hivavaka ho an'ireo marary nify. Izy ihany koa no olomasina mpiaro ireo mpitsabo nify. Raha ny sary famantarana an'i Masimbavy Apolline dia tovovavy miaraka amin'ny tandramokotra sy ireo nify nalana taminy. Matetika izy mihazona "palme" famantarana ny maha martiry azy.