Ny fiangonana mampianatra mikasika ny fiaraha-monina sy ny hay fitantanana ary ny fitandroana ny rariny sy ny hitsiny ho an'ny vahoaka. Ny fiangonana dia mampianatra fa ny fahefana rehetra dia avy amin'Andriamanitra, natao hikatsaka ny soa iombonana ary ihany koa tsy manavakavaka ; mifanaja sy mifampitaona ho amin'ny fiombonana sy ny fihavanana.
Ny korontana sy ny fankahalana ary ny fanaratsiana dia avy amin'ny ratsy. Ny fitiavam-bola aman-karena sy voninahitra dia mampiharihary ny asan'ny maizina. Fahotana ary heloka bevava eo anatrehan'ny hafa ny fanavakavahana ary tsy heken'ny fiangonana izany. Manentana antsika ny Papa François mba hivavaka ho an'ireo iharan'ny tsy fandriam-pahalemana, na any ivelany na eto Madagasikara.
