Sarobidy ny aina koa aoka tsy hatakalo vola na akanjo na satroka na rindran-kira na fanentanana hafa, satria io no sarobidy indrindra amin'ny fanomezana nomen'Andriamanitra antsika, miampy ny fahasalamana. Tokony homalina hatrany isika satria maro ireo teti-dratsy manosika antsika samy Malagasy ho any amin'ny ady an-trano. Endrika famosaviana ny mpiray tanindrazana ny ezaka fanakorontanana, mety hataon'ny andaniny na ankilany koa samia mindanjalanja ny hatao...
Efa betsaka ireo voka-dratsin'ny fifanandrinana nisy teto amin'ny firenena koa aoka ho sorohina izany. Isaorana ireo Zezoita teo aloha, nahasahy nijoro tamin'ny hevitra Mopera Rémi Ralibera sy Mopera François Paul, izay nanao ny ezaka nihaona tamin'ny tompon'andraikitra sasany mba hiala amim-pilaminana fa tsy hanohitra na hiady ny taona 1991 sy 2002, ho tombontsoan'ny firenena.
