Ny fisolona tena ny tanàna na ny faritra na ny firenena dia faneohoana fitiavana tanindrazana. Miombona alahelo ho an'ireo izay nanana havana namoy aina tamin'ny loza nitranga nandritra ny fanokafana ny lalaon'ny nosy, ary mirary fahasalamana ho an'ireo naratra. Ny lalao dia mitaky fitsipika sy lalàna. Ny zava-maneno dia zava-dehibe ary mila fitandremana ny fifehezana azy, indrindra ny mikasika ny feo sy ny zava-maneno. Ireo olomalaza tamin'ny famoronan-kira sy fihirana dia saika olona niaina ny finoana avokoa...
Ny Pape Benoit-XVI dia mpitendry piano, Ny Pape Joany Paoly-II dia mpanao tantara an-tsehatra. Ny firotsahana ho fidiana dia isan'ny entina hanehoana ny fitiavana ny tanindrazana ; i Vatican no fanjakàna idealy amin'ny tsy fanavahana izay Papa mety ho voafidy hitantana azy ary eken'ny kristiana sy ny kardinaly rehetra ary ny eveka, izay mety ho Italiana, Frantsay, Espaniôla na avy amin'ny firenena hafa. Aoka hanana fahasahiana ireo izay tia tanindrazana mba hijoro hamita ny adidiny, aoka hafehy tena ny tsirairay amin'ny fampanjakana ny rariny, fitantanana ara-drariny, ny fifanajàna.
