Fanamby lehibe atrehina isan'andro ny fampanjariana ny fiadanana sy fandriam-pahalemana ka nankahery ny vahoakan’Andriamanitra mba hikatsaka hatrany ny fiadanana ny Papa François amin’ny fankalazana ny andro eran-tany faha-52 ho an’ny fiadanana sy fandriam-pahalemana (01 janoary 2019) amin’ny hafatra nampitondrainy ny lohateny hoe: "Ny politika tsara entina manasoa ny fandriam-pahalemana".
Fibebahan’ny fo amam-panahy ny fiadanana ary tanteraka izany amin’ny fampanjariana ny fandriam-pahalemana amin’ny tena, amin’ny hafa ary amin’ny voahary. Fanazavana entin’i P. Jean Germain Rajoelison, Sekretera Jeneralin'ny Vaomieran’ny Eveka momba ny fampanjariana ny Rariny sy ny Fiadanana, eto Madagasikara.
