Ny 5 hatramin'ny 13 Aprily lasa teo no nanatanterahana ny herinandro masina niavaka indrindra. Noho ny amehana ara-pahasalamana nisy dia tao amin'ny Lasapely ihany no nanatanterahana ireo fankalazana rehetra, nanomboka tamin'ny sampan-kazo ka hatramin'ny andron'ny paka.

Fahiny, manetriketrika tokoa ny fanomanana ny fankalazana ny andron'ny paka miaraka amin'ireo tanora any am-bala, sahirana erý manomana ny litorjia sy ny fety rehetra ka zary tsy mifantoka amin'ny vavaka aza indraindray. Nefa na dia eo ary ny zava-nitranga izay voalohany ho amin'ny tantara tokoa dia afaka niaina sy nivavaka ampilaminana ny fankalazana ny andron'ny paka.
Izany dia hijanona ho tantara mipetraka ho an'ny tsirairay satria inoana tokoa fa misy hafatra tian'Andriamanitra ho hampitaina nandritra ity fihibohana ity : mangalà isika fotoana mba handinihana sy hivavahana, hieritreretana ny fikambanana, ny firahalahiana, ary koa ny fifankatiavana. Andriamanitra dia nanome antsika fahafahana hikarakara ny tanorantsika fa tsy amin’ireo tolotra efa omentsika azy ireo ihany fa koa ny hivavahantsika ho azy ireo ary koa ho an'ireo tena sahirana.

FreraTohavina Harison Moïse, sdb

[Miara-dàlana] Alatsinainy 22 septambra 2025

• Sarotra ny mitory kanefa meteza hanoha riana, hoy ny fampianarana nentin'i Mgr Marie Fabien Raharilamboniaina, Filohan'ny Fivondronamben'ny Evekan'i Madagasikara, nandritra ny toriteny nataony tamin'ny fanamasinana ho eveka an'i Mgr Mamiarisoa Modeste Randrianifahanana... • Miisa 564 mianadahy ireo andiany, nisalotra ny anarana Masindahy Augustin, navoaka tamin'ny sabotsy 20 septambra 2025, avy eo anivon'ny Mpikabary Katolika... • Tantano amim-pirahaliana sy amim-pahendrena ireo haren'ny tany, hoy ny Papa Léon XIV, tamin'ny fandalinam-pinoana nataony nandritra ny Angelus omaly...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...