Zoma 3 desambra 2021 — Herinandro voalohany amin'ny Fiavian'ny Tompo — Indro avy ny Tompontsika miaraka amin’ny heriny, ary hohazavainy ny mason’ireo mpanompony — Evanjely Masina nosoratan'i Masindahy Matio 9, 27-31

Manam-pinoana ireto jamba roa lahy ireto fa i Jesoa no afaka mampahiratra azy ireo. Eto moa dia ny famindram-po no nangatahany ary fatantr’i Jesoa fa ny tsy fahitana no mahaory azy ireo. Fatantr’izy ireo koa fa i Jesoa no mahay manasitrana azy ka tsy navelany fa notanarahany hatrany an-trano. Mahavariana ny hoe nifampitantana izy ireo nanaraka an’i Jesoa hatrany an-trano. Na jamba aza dia mahay mifanohana, mifampitarika manaraka an’i Jesoa. Vavaka fifonana no nipololotra avy ao am-pon’izy ireo : "Ry Zanak’i Davida ô, mamindra fo aminay!". Ilay vavaka fifonana ataontsika amin’ny Sorona Masina na amin’ny fotoam-pivavahana ataontsika. Tsy izy roa lahy ihany no jamba ka mila fahiratana, fa na isika koa aza dia jamban’ny fahotana, ka mila mandrakariva ny famindram-pon’Andriamanitra. Tsy manosi-bohotanana izay mitady ny Famindrampony Andriamanitra.

Amin’izao vanim-potoan’ny Fiaviana izao no iandrandrantsika ny famindrampon’Andriamanitra sy ny famonjena ka itodihantsika any Aminy. Manana ny anjara toerany lehibe amin’izany ny vavaka, dia vavaka am-paharetana sy fahatokisana tanteraka an’Andriamnitra. Porofon’izany ny tsy namalian’i Jesoa azy roa lahy teny an-dalana raha tsy tonga tany an-trano. Raha olona mora kivy sy tsy nanam-paharetana izy roa lahy tsy ho tojo amin’izao zavatra niriny izao. Mila fitsapana ny finoana mba ho lalim-paka. Ny finoana voasedra no mitondra vokatra tsara eo amin’ny fiainantsika. Fotoana ilana faharetana izao vanim-potoana diavintsika izao dia tsy inona izany fa ny faharetana mivavaka ary mila koa finoana lalina mba hanova ny fiainantsika any amin’ny tsara kokoa hatrany. Amen !

[Miara-dàlana] Alatsinainy 26 mey 2025

• Fiombonam-bavaka sy fiaraha-mientana amin'ny fanohanana sy fanampiana ny seminera no fandaharam-potoana isaky ny fetim-bokatry ny Seminera Zandriny Ambohipo... • Zanaky ny Fiangonana miisa 220 mianadahy no nandray ny Sakramentan'ny Fankaherezana omaly, namaranana ny fitsidihana pastoraly tao amin'ny Distrikan'Ambohimena, Diosezin'Antsirabe... • Nosokafana tamin'ny sabotsy teo teny amin'ny EKAR Masimbavy Anne Anjomakely, ny faha-10 taonan'ny Ansiklika Laudato Si...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...