Alakamisy 29 avrily 2021 — Herinandro fahefatra fankalazana ny Paka — Nahita Ahy ianao ka nino; fa sambatra izay tsy nahita ka mino — Evanjely Masina nosoratan'i Masindahy Joany 13, 16-20
Nohenointsika taminy Evanjely teo fa rehefa avy nanasa ny togotry ny mpianatra i Jesoa dia nampita fampianarana lalina dia lalina tamin’izy ireo manao hoe: "ny mpanompo tsy ambony noho ny tompony, na ny iraka tsy ambony izay naniraka azy."
Ny asa ataon’i Jesoa dia fanatanterahana ny irak’izy Andriamanitra Ray, asa feno fanetren-tena sy fitiavana ary fanompoana. Ny fanasany ny tongotr’ireto mpianatra moa dia entina anehoana amintsika fa ny asa nanirahany Ray azy dia asa fanompona ny olombelona. Nanome ohatra tsara ho antsika i Kristy mba ho fakan-tahaka. Akoatra ny asa fanompoana dia tao ny fampianarana ny didim-pitiavana, ny famelan-keloka.
Manasa antsika tsirairay àvy ary i Jesoa, hanohy ny asan’Andriamanitra Ray. Ary ny tena hamafisiny indrindra dia aoka isika hahay handray izay irahiny : "izay mandray izay irahiko dia mandray ahy" satria na izy na ireo izay manohy asany dia samy tsy miteny ho azy fa mampita ny hafatr’Andriamanitra daholo. Ny vita batemy rahetra dia antsoina hanohy ny asa fanitarana ny fanjak’Andriamanitra, voairaka isika tsy hitory ny tenintsika, fa ho zary fitaovana ihany, hampita ny hafatr’Andriamanitra na aiza na aiza toerana misy antsika, tahaka ny nataon’i Kristy, izay fakan-tahaka ho antsika. Jesoa Tompo ô, omeo anay ny fahasoavana sy hery rehetra ilainay mba hahafahanay mampita ny hafatr’Andriamanitra Ray.
