Zoma 27 desambra 2019 — Masindahy Joany Apôstôly Evanjelista — Evanjely masina nosoratan'i Masindahy Joany 20, 2-8 — "Midera anao izahay Andriamanitra ary manaiky fa Ianao no Tompo. Ny antokon'ny Apôstôly be voninahitra, midera anao ry Tompo."

Nosafidian'ny Eglizy ity Evanjely ity amin'ny andro fankalazana an'i Masindahy Joany noho ireo fambara tamin'ny fitsanganan'i Jesoa Kristy ho velona. Tonga talohan'i Piera teo amin'ny fasana i Joany saingy niandry azy vao niditra: nanaja ny fahefan'i Piera izay nofidian'i Kristy ho filohan'ny Eglizy. Na inona na inona fahaizantsika na fahakingantsika dia mila maka tahaka an'ity toetran'i Joany ity: manaiky ny fahefana ao amin'ny Eglizy.