23 septambra 2024 — Alatsinainy, Herinandro Tsotra fahadimy amby roapolo Mandavantaona — Fanilo ho an’ny tongotro ny teninao, ary fanazavana ny lalako — Evanjely Masina nosoratan’i Masindahy Lioka (Lk. 8, 16-18)

Tsy atao salobon-komana na oviana na oviana ny Evanjely fa natao hotoriana hatraiza hatraiza; tsy natao hotazonina na koa ho an’ny ankohonana irery ihany fa mila toriana eo amin’ny manodidina satria mitondra fahazavana amin’ny làlan-kizorana, mitondra fahamarinana ary fiainana.

Mitondra fahasoavana ho an’ireo olona iantefany ny Evanjely toriana, ka mampahatonga ny tsirairay hisokatra amin’ny fiainana ety an-tany ary indrindra amin’ny fiainana mandrakizay no sady mahay mitia ny hafa. Vao mainka hahazo tombontsoa be dia be ireo manana ny fahasoavan’Andriamanitra satria nisokatra handray an’io fahasoavana entin’ny Evanjely io. fa ho fatiantoka sy ho fadiranovana izay tsy izy kosa ireo nandà ny handray an’io fahasoavana io.