Alakamisy 4 aogositra 2022 — Herinandro fahavalo ambin'ny folo mandavantaona — Ny teninao, ry Tompo, dia fanahy sy fiainana; Ianao no manana ny teny mahavelona mandrakizay — Evanjely Masina nosoratan'i Masindahy Matio 16, 13-23

Manotany mpianany i Jesoa ahoana fiheveran’ny olona azy : "ataon’ny olona ho iza moa zanak’olona ?". Ka ny valinteny azo dia hoe mpaminany i Jesoa : Elia, Joany Batista, Jeremia. Mpaminany daholo ireo voalaza anarana ireo. Manaraka izany dia nitodika tamin’ny mpianany indray Izy : "fa ianareo kosa ataonareo ho iza aho ?" Ianao no Kristy zanak’Andriamanitra velona, hoy i Piera. Nino an’i Jesoa zanak’Andriamanitra velona i Piera ka nanankinany ny fiainan’ny Fionganonana : ianao no vato ary ambon’izany vato izany no hanorenako ny fiangonako. Finoana mafy orina, lalim-paka ny finoany, afaka mandresy ny ratsy.

Isika ihany koa, ny finoantsika an’i Jesoa Kristy dia tokony hitarika antsika hijoro ho vavolombelona fa i Jesoa dia velona eo amin’ny fiainantsika andavanandro. Noho izany ny fiainako, ny fiainanao dia fiainana maneho fa eo anivontsika Andriamanitra, aseho amin’ny alalan’ny fiombonana, firaisan-kina, fifanampiana, fiantrana ny sahirana. Izany no endriky ny Fiangonana naorin’i Jesoa Kristy. Ny Fiangonana dia fiombonana, ary izay miombona no afaka miady amin’ny ratsy. Mangataka ny herin’ny Fanahy Masina mba hanampy anay isan’andro, hahafahanay maneho amin’ny hafa ny finoanay Anao, fa ianao dia velona eo amin’ny fiainanay tokoa.

Miara-dàlana] Alatsianiny 29 septambra 2025

• Nanentana ny kristianina rehetra, hivavaka sy handini-tena, ny avy eo anivon'ny Fiombonan'ny Fiangonana Kristianina eto Madagasikara, tamin'ny hafatra navoakan'izy ireo ny zoma 26 septambra 2025... • Tontosa ny sabotsy 27 septambra 2025, ny famindrana ny taolambalon'i Mompera Vladimir, izay tany amin'ny Diosezin'i Toamasina, ho ao amin'ny fasan'ny Fikambanana ao Ambohidratrimo Antananarivo... • Notontosaina ny sabotsy 27 septambra 2025 ny fitsofan-drano ny fasana ary ny famindrana ireo pretra sy frefra miisa 13 efa nialoha lalana, teny amin'ny Monasitera Masina Maria Ambohimanjakarano Mahitsy...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...