Alahady 12 desambra 2021 — Alahady fahatelo amin'ny Fiavian'ny Tompo — Ato amiko ny Fanahin’ny Tompo: nirahiny hitondra teny soa mahafaly amin’ny malahelo Aho — Evanjely Masina nosoratan'i Masindahy Lioka 3, 10-18

Inona ary no hataonay ? Ity fanontaniana ity koa dia tokony ho fanontaniana hapetratsika amin’ny tenantsika isan’andro isan’andro. Ny tanjona dia ny mba hahafantarantsika mandrakirava hoe "mbola miaina ny sitrapon’Andriamanitra ve aho ?" Ny fiainantsika kristianina mantsy, dia fiainana mamakivaky tany efitra. Izany hoe ny fiainatsika dia mandalo fisedrana, fahantrana, fahasarotana. Ka teo anatrehan’izany fahasahiranana nahazo azy izany ireto sokajin’olona maro ireto no nanontany an’i Joany hoe inona ary no tokony hataonay ?

Tsotra dia tsotra valinteny nomen’i Joany : avereno dinihana tsara, hoy i Joany, ny fifandraisanao amin’ny mpiara-belona aminao, arakaraka ny asa aman’andraikitra misy anao eo amin’ny fiaraha-monina. Mamerina antsika hitodika amin’ny fiainantsika andavanandro i Joany Batista, satria hadinontsika matetika fa eo amin’ny fiainatnsika andavanadro no hanatanterahantsika ny sitrpon’Andriamanitra, dia tsy inona akory fa fahaizantsika mifandray amin’ny hafa. Araka ilay fananarana nataon’ny Joany tamin’ny toriteny teo : "fadio ny fanaovana an-keriny sy ny fitorohana, ary mahaiza mianina amin’izay karamanareo", "aza mampadoa mihoatra noho izay nasaina nalaianareo".

Manasa antsika ny tenin’Andriamanitra amin’izao andro Fiaviana izao hiaiana ny fahamarinana marina eo amin’ny fifandraisana amin’ny hafa ary koa hampitombo ny fahalalan-tanana amin’ny hafa. Aoka isika hiomana tsara amin’izay, amin’ny fahaizana mizara hafaliana amin’ny madinika, ny fanaovana fihetsika mampiseho halemem-panahy amin’ireo manodidina antsika.