11 ôktôbra — Teraka tao Narbonne tamin'ny 516 i Firmin. Tonga tao amin'ny dadatoany antsoina hoe Roricius tao Uzès izy. Eveka tao io dadatoany io nanomboka ny taona 533 hatramin'ny taona 538, izy io no eveka fahatelo tao amin'ity tanana ity. 

Rehefa maty i Roricius ny taona 538 dia i Firmin no nandimby azy. Nandray anjara tamin'ny kônsily fahefatra sy fahadimy tao Orléans izy, ary nanatrika ihany koa ny kôsily faharoa tao Paris ny taona 551. Tamin'io ihany koa no nanankinany ny tananan'i Uzès ho eo ambany fiahian'i Arles. Teo amin'ny fahafito amby telopolo taonany no nodimandry ny 11 ôktôbra 553 ary nalevina tao amin'ny fiangonana Saint-Baudile tao Nîmes, izay naoriny ihany koa tao avaratry ny tanana izany fiangonana izany. Marihana fa dimy ambin'ny folo taona no nitondrany ny Fiangonana tao Uzès ka rehefa nodimandry izy dia i Masindahy Ferréol no nandimby azy ho eveka fahadimy tao.

Nanana fifandraisana manokana tamin'i Masindahy Césaire d'Arles i Firmin. Mpitoka-monina Lérins i Césaire ka rehefa voatendry ho eveka tao Arles dia nanorina ny trano fitokana-monina voalohany ho an'ny vehivavy, tao Gaule. Mpianany i Firmin, namany ary nanoratra ny fiainany ihany koa. Nanintona an'i Firmin manokana ny fiainana voatokana. Mpiandry ondry tsara i Firmin, ary nanana fanomezam-pahasoavana manokana amin'ny fampitana ny fampinaran'ny Fiangonana amin'ny vahoaka. Tsotra sady manohina ny fo, sady manokatra azy ireo hihaino ny Fanahy Masina. Hoy mantsy i Firmin : "Raha tsy misy ny Fanahy Masina dia mijanona ho tantara fotsiny i Kristy, ary tsy miteny, tsy misy heviny ny Vaovao Mahafaly, ary rafitra fotsiny ny Fiangonana. Fa raha eo ny Fanahy Masina, dia eo i Kristy, ka ny Vaovao Mahafaly no herin'ny fiainana ary ny Fiangonana no fiombonan'ny Trinite".

Miara-dàlana] Alatsianiny 29 septambra 2025

• Nanentana ny kristianina rehetra, hivavaka sy handini-tena, ny avy eo anivon'ny Fiombonan'ny Fiangonana Kristianina eto Madagasikara, tamin'ny hafatra navoakan'izy ireo ny zoma 26 septambra 2025... • Tontosa ny sabotsy 27 septambra 2025, ny famindrana ny taolambalon'i Mompera Vladimir, izay tany amin'ny Diosezin'i Toamasina, ho ao amin'ny fasan'ny Fikambanana ao Ambohidratrimo Antananarivo... • Notontosaina ny sabotsy 27 septambra 2025 ny fitsofan-drano ny fasana ary ny famindrana ireo pretra sy frefra miisa 13 efa nialoha lalana, teny amin'ny Monasitera Masina Maria Ambohimanjakarano Mahitsy...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...