Ny Mpiaro voalohany ny nosy Madagasikara dia Maria Immaculée izay, ankalazaina isaky ny 8 desambra. Ny andron'ny 27 septambra dia fety Olomasina Vincent de Paul, Mpiaro faharoa ny nosy, izay mpiaro sy fankatahaka tamin'ny asa fiantrana, vao 19 taona izy dia efa pretra. Toetr'Andriamanitra ny toetra tia manome, izay niainan'ny Olomasina Vincent de Paul. Ny Papa François dia isan'ny miaina io fitiavana ny mahantra io, nisy tahirin-kevitra nosoratany mihitsy niresahany ny Eglizy sy ny fahantrana, mitondra ny loha-teny hoe "Evangelii gaudium" .
Raha ny mahantra no esorina ao amin'ny Baiboly ka tsy ho resahina ao dia poaka ny Evanjely. Ny Eglizy dia Eglizy mahantra ary ho an'ny mahantra sy ireo mijaly. Ny zava-misy eto Madagasikara ankehitriny dia mifototra amin'ny politikan'ny fanangonana fa tsy ny fizarana na fanomezana. Ny Eglizy dia manentana ny olona rehetra mba hahay hizara sy hanome fa tsy handray sy hanangona fotsiny.
