I Jesoa Kristy no teny tonga nofo ary nofo tonga mofo, izy ilay voa nafafy, ilay raisina ao amin'ny Eokaristia. Ny Kristiana vita batemy no tany hamafazana izany Eokaristia izany, izay miaina ny finoana sy ny fanantenana. Ny mpino dia azo hambara ho tany lonaka, indrindra raha mazoto mandray Kôminio sy ny sakramentan'ny fampihavanana. Ny fitiavam-bavaka sy ny asa fihatrana ary ny fitiava-namana no hendriky ny rano entina hanondrahana ny finoana mba hivelatra.
Ny Eokaristia dia maneho ny tena "fitiavana". Mialohan'ny handraisana ny sakramentan'ny fampihavanana "konfesy" dia ilaina ny manao fandinihan-tena lalina. Araka ny fehin-kevitra tamin'ny "Concile de trente" dia nifanentanana ny hanaovana ny konfesy matetika isan-kerinandro hatramin'ny 1 volana.
Manoloana ny fanatanterahana ny fomba "famadihan-drazana" dia tokony hitandrina ny rehetra amin'ny fampiasana ny "aro vava - aro orona" ary ezahina ho tratra ny rivotra sy ny masoandro tsara ny ati-fasana mialohan'ny hikarakarana ny razana ao anatiny.
Ny fanjakàna laïka dia tsy "mandà ny fivavahana na ny finoana" fa afaka manaja ary manakim-po amin'Andriamanitra.
