Herintaona mialohan'ny hahataperan'ny tetik'asa Fy Vary, nahitam-bokany ny fkarohana natao mba hampiroboroboana ny teknika famokaram-bary ho an'ireo faritra telo iasany : Vakinankaratra, Analamanga ary Alaotra-Mangoro.

Nahomby ny teknika hampitomboana ny voka-bary amin'ny tanimbary anivon-tany tsy dia mamokatra firy noho ny tsy fahampian'ny singa miantoka ny fitomboan'ny vary ao aminy, indrindra fa ny Phosphore ; dia ny teknika P-Dipping. Teknika vaovao, tsotra ny fampiasàna azy anefa nanatsra sy nampitombo ny voka-bary tamin'ireo andrana natao...

Eo andalan'ny fanaparitahana azy ankehitriny ny teknika amin'ny alalan'ny fiaraha-miasa amin'ny tetik'asa PAPRIZ sy ny orinasa iray mpamokatra anam-pamokarana Hirika iray ahafahana manatratra ny fahavitan-tena ara-bary ny fampiharana sy ny fanaparitahana ny teknika P-Dipping hoy ny tale jeneralin'ny fambolena ao amin'ny ministeran'ny fambolena, ny fiompiana Ramaroson Lantonirina.

Fiaraha-miasan'ny governemanta Malagasy sy ny governemanta Japoney amin'ny alalan'ny JICA sy ny JST mandritra ny 5 taona, nanomboka ny taona 2017 ny tetik'asa Fy Vary...

Voka-tsoa hafa tamin'ny tetik'asa ankohatra ny P-Dipping ny fahafahan'ny malagasy mpikaroka nanovo fahalalana tany Japon...

Teo ihany koa ny nahitàna masomboly vary vaovao miisa telo, fohy tsingerim-piainana, mampitombo ny vokatra, ary mahatohitra ny fiovaovan'ny toetr'andro. Nampahafantarina tamin'ny fomba ofisialy nandritra ny fivoriana fahadimy ho an'ny komity miara-mandrindra ny tetik'asa teny amin'ny Hotely Colbert Antaninarenina ny anaran'ireo vary ireo, ny 12 oktobra 2021 lasa teo. Nosoniavina nandritra izany ny fanomezana fitaovana ahafahana manatsara hatrany ny fikarohana...