Ao anatin'ny fihotazana lavanila ny faritra sasany mpamokatra izany amin'izao fotoana izao. Nampanarahana amin'ny teknikam-pambolena ny daty fihotazana lavanila eto Madagasikara... 

Mba ho kalitao tsara sy hamaly ny fenitra takian'ny tsena iraisam-pirenena ny lavanila malagasy no anton'izany. Misy ny daty voatondro hihotazana ny lavanila ary miovaova isaky ny faritra izany. Mihemotra hatramin'ny faran'ny volana jona ny fihafaran'ny fanondranana lavanila eto Madagasikara ka ho hentitra amin'ny fanaraha-maso ny fotoana voatondro ho fihotazana ny Fanjakàna.

Natao izany mba hialàna amin'ny fanararaotana amin'ity seha-pihariana mampidi-bola ny firenena ity araka ny fanazavana nataon'ny ministry ny Fambolena sy ny Fiompiana ary ny Jono Ranarivelo Lucien. Nambarany ankoatra izay fa tombotsoa ho an'ny rehetra no ampiharana ny fepetra.

Efa misy moa ny faritra ao anatin'izany fotoam-pihotazana izany ankehitriny, isan'ny nisantatra izany ny tany Dianà sy Sofià iny.