Mamelona fianakaviana maro eto Madagasikara ny seha-pihariana jono indrindra fa ny jono an-dranomasina saingy tandindomin-doza vokatry ny fanapotehana ny tontolo iainana indrindra fa ny doro tanety. Mamelona malagasy 1.500.000 isa io sehatra io. Ny 80% amin'ny vokatry ny jono dia avy amin'ny jono nentim-paharazana avokoa na an-dranomsina na an-dranomamy...
Mitentina 750 tapitrisa dolara ny harena vokarin'ny jono eto Madagasikara isan-taona, miantoka ny 7% amin'ny vokatra anatin'ny ankapoben'ny Firenena "PIB".
Manao izay ho afany mampiroborobo ny jono ny fikambanana maro mijoro, atosiky ny Fanjakàna amin'ny alalan'ny ministeran'ny jono sy ny toe-karena manga, saingy efa mihatraika amin'ny sehatr'asan'ireo mpanjono madinika ny fanimbana tontolo iainana indrindra fa ho an'ny jono an-dranomasina. Miantoka ny 10% amin'ny fanondranan'entana eto Madagasikara araka ny antontan'isan'ny Banky Iraisam-pirenena.
Tandindomin-doza koa ny fiveloman'ireo mpanjono madinika mampiasa ny farihy ivelomana eto Madagasikara manoloana ny fanimbana ny tontolo iainana sy ny fitombon'ny filàn'ny malagasy ara-tsakafo sy ny fahateren'ny tany hamokarana.
