Mivelona amin'ny fambolena sy ny fiompiana ao anatin'ny Distrikan'i Faratsiho Faritr'i Vakinankaratra i Nantenaina Casimir. Niofana manokana momba ny fitsaboana izy saingy nisafidy ny ivelona amin'ny fambolena sy ny fiompiana. Tanora nanovo fahalalana tao amin'i Papa Bio na Ranaivoarison Basil i Nantenaina Casimir. Kankana 2 tanana teo ho eo tao amin'i Papa Bio no niatombohany, roa taona lasa izay.
Ankehitriny, efa mahatratra 20 kg ny kankana ao aminy ary mamokatra zezika kankana 70 hatramin'ny 80kg isan-kerinandro ny lehilahy amin'izao fotoana izao.
Manentana ny tantsaha namany hanao ny famokarana ara-biôlôjia i Nantenaina Casimir. Ny famokarana ara-biôlôjia amin'ny alalan'ny fampiasana ny zezika kankana dia fomba iray hiantohana ny fahasalamana mantsy hoy ity tanora ity ny fanaovana izay famokarana ara-biôlôjia izay ka tokony haparitaka ihany koa.
