Fikambanana mitondra ny anjara birikiny amin'ny asa fampandrosoana ny eny ambanivohitra ny "Tsara Voatra". Andriamatoa Mamy Razanakolona no filohan'ny fikambanana. Tsy zoviana amin'ireo tantsaha ato amin'ny Faritra Analamanga amin'ny sehatr'asa fampandrosoana izay.
Fikambanana niorina vao haingana, ny fikambanana "Tsara Voatra", manana vina hampandroso ny eny ifotony, amin'ny alalan'ny fambolena sy ny fiompiana ary ny fandraharahana madinika mikendry ny fahaleovan-tenan'ny tantsaha sy ny fitomboan'ny harin-karena. Tsy ambanin-javatra ny fiatsaran'ny tontolo manodidina azy, ny fifandraisana amin'ny fiaraha-monina ary ny tontolo iainana. Amin'ny alalan'ny fampiofanana eny ifotony indrindra fa ny tantsaha no anatanterahana izany vina izany...
"Fanabeazana manova tontolo iainana" niompana tamin'izay loha-hevitra izay ny lohabary an-dasy voalohany nokarakarain'ny fikambanana "Tsara Voatra". Namelabelatra ny loha-hevitra Andriamatoa Faly Rafieferana, manam-pahaizana amin'ny hay tarika momba ny fanabeazana miabo. Velan-kevitra natao teny amin'ny kolejy Masina Misely Amparibe ny 25 marsa lasa teo, nanasana an'ireo mpiantsehatra amin'ny tontolo ambanivohitra.
Fahombiazana ny azo hoy Andriamatoa Mamy Razanakolona. Liana tamin'ny fanazavan-kevitra ireo tanora avy amin'ny fikambanana samihafa indrindra fa ireo avy amin'ny skoto.
