Ny zaza voaloboka dia fiforonana vohoka tsy ho ary, noho ny tsy fahatomombanan'ny fitsaihina izany hoe tsy araka ny tokony ho izy ny fihaonan'ny atodinaina vavy sy ny atodinaina lahy. Misy karazany roa ny tranga "zaza voaloboka" : voalohany, mety ho ny atodinainay vavy no tsy tomombana " môle hydatiforme complète " ; faharoa ny atodinainay lahy no tsy tomombana "môle hydatiforme partielle"...
Mety ahazo ny vehivevy rehetra io fa misy ihany ireo mora hiarany dia : ireo mitondra vohoka aloha loatra, latsaky ny 15 taona, na ireo tara vao mitondra vohoka, maherin'ny 40 taona ; ireo avy nanao zaza an-tsosokoditra, ireo afa-jaza matetika, ireo tsy ampy vitamina "A". Ny fambara : 40% tsy fantatra raha tsy feno 10 herinandro ny vohoka ; ny 60% dia ahitana fambara ka mety ho sarotiny be ilay vehivavy, malemilemy, mandoa, hatsatra, mahia, marary ny andovania, tsy mifanaraka amin'ny fivoaran'ny vohoka ara-dalana ny refin'ny kibo izany hoe indraindray mihoatra ny refy, fotoana hafa aorian'izay mihena indray, miovaova tanteraka.
