Lohahevitra : Tantara

Nandaitra ny sary mihetsika  nifanarahan'i Ranja sy Tiana, i Ranja miaro ny rambony tsy ho tapaka, i Tiana manantena ny hamokaran'ny tambin'ny fanginany. Niangavy tamin-drainy i Mialy ny tsy handroahana an'i Tiana fa ny mba hitazonana azy ihany. Mahamahana nefa i Rivo fa tena misy zavatra hafenin-dRanja mihitsy. Tonga i Razay haka ny anjarany nifanarahany tamin'i Ranja, ary tsy manaiky fa nandrahona mihitsy raha tsy manatanteraka izany ao anatin'ny fotoana voafetra i Ranja.

Lohahevitra : Tantara

Nifanao fotoana teny Ambodiriana teny ambany antsinanan’ny tanàna i Anja sy Setra hifanomezan’izy ireo valin-teny ny amin’ny fikasan’i Setra hanambady an’i Anja no nisy jiolahy nanafika. Nasain’ireo jiolahy nihataka i Setra fa i Anja no nohodidin’izy ireo hosamborina fa mpamosavy hono. Nitebiteby fatratra ny amin’ny tsy fahitana an’i Anja ikaky Rakonka sy Leva.

Lohahevitra : Tantara

Nila hevitra tamin'i Haja i Ranja fa tafahoatra tanteraka ny valifatin'i Tiana ataony aminy. I Rivo sy Mialy efa tsy tia intsony ny hijanonan'i Tiana ao an-tokantranon'izy ireo, saingy tsy maintsy manao izay hitazonana azy i Ranja ho vidin'ny fanginany. Fantatr'i Ranja fa i Haja no nampamono an'i Rivo, ary nampitandrina azy izy fa tsy ataony vitavita mora foana raha maninomaninona ny vadiny. Nampitandrina an'i Ranja i Rivo fa tsy maintsy roahana i Tiana noho ny gafy sy ny zavatra tsy mety rehetra ataony ao an-trano. Notambazan'i Ranja volabe i Tiana mba handeha saingy tsy nanaiky izy. Manaiky izy raha vitan'i Ranja ny mandresy lahatra an'i Haja ho tia azy. Sahiran-tsaina fatratra noho izany i Ranja.

Lohahevitra : Tantara

Manam-pikasana hampamono an'i Rivo i Haja na dia rahalahy iray tampo aminy aza, noho ny fitiavany an'i Ranja. Tsy mandeha amin'izay tokony ho izy hatrany ny asan'i Tiana noho ny fiasan-tsainy amin'ity fitiavany an'i Haja, sy ny zava-misy ao an-tokantranon'ireo mpampiasa azy. Nasain'i Rivo noroahana noho izany izy. Tsy sahy nandroaka azy nefa i Ranja noho ny valifatin'i Tiana : dia ny hamborahany ny marina rehetra fantany raha vao mikasa handroaka azy hiala tao. Marary mafy eny amin'ny hopitaly i Rivo noho ny vono niniana natao taminy. Velona soa aman-tsara izy, na dia ny hahafaty azy aza no nasain'i Haja nataon'ireo olona nokaramainy.

[Vaovao manokana] Alakamisy 2 mey 2024

Notendren’ny Papa François ho evekan’ny diosezin i Maintirano i Mompera RAKOTOASIMBOLA Clément Herizo, misioneran’ny Lasalety, Vicaire délegué de l’Adminstrateur apostolique ao Maintirano ankehitriny.  Teraka ny 23 novambra 1974  tao Ambohimandroso- Ambohimanga Rova i Mgr Clément Herizo, ary ny 30 mars 1975 izy no nandray ny Sakramentan’ny Batemy tao Ambohimanga Rova. Tao Namehana izy no nandray voalohany ny Eokaristia Masina ny 12 novambra 1982, ary ny 23 aogositra 1998 no niroso tamin’ny Sakramentan’ny Fankaherezana tao Alarobia Antananarivo. Nandalina ny filôzofia tao amin’ny Scolasticat Saint Paul Tsaramasoandro Antananarivo izy ny taona 1999 ka hatramin’ny taona 2002.

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...