Ny voambolana aorian'ny isa mahazatra dia mifono soatovaina daholo. Enina mangamanga, izany hoe midika ho hatsarana sy hasoavana ; fito paraky, misy hevitra hoe fikirizana sy finiavana ary fahaizana mandinin-tena ; valo tanantanana, ity farany ilay zava-maniry atao hoe "kinana" ny hevitra fonosiny eto dia ny firaisan-kina, fifanomezan-tanana ; sivy rongony, taratry ny fifamatorana sy fifandraisana eo amin'ny mpitondra sy ny hoentina, manasongadina ny hoe "antenimiera" ; Folo fanolehana na famolesana izay maneho fahaiza-miaina sy fifanitsiana eo amin'ny fiainana.
Manomboka amin'ny iraika amby folo dia tanisa mitantitra ny mety ho toetra ratsy ambadiky ny teo aloha : Andriamaintybe ny papango ; kely mpitsoka farara ny takatra ; kely mpamafifafy ny vanja ; kely mpandatsaka aina ny bala ; lava tana-tsy miasa ny foza ; bodokely matavy ny toho...
