Nanatanteraka hetsika ho famalifaliana ny ankizy tsaboina ao amin'ny hôpitamin'ny ankizy "Bambino Gesù", ny zoma 17 janoary, ny "dicastère" misahana ny fampivoarana ny mahaolona manontolo sy io hôpitaly iandraiketan'ny Fiketrahana Masina io.

Hetsaika nahitana ny fandraisan'anjaran'ny tarika mpanao "cirque" Rony Roller izay mandalo ao Rome ankehitriny. Nosantarina tamin'ny Eokaristia Masina notarihin'ny Kardinaly Peter Turkson, préfet  an'io "dicastère" io sy ny sekreterany, Monseigneur Bruno-Marie, tao amin'ny lasapelin'ny hôpitaly ny fotoana. Entina hanamaivanana ny aretina mahazo ireo zaza sy ankizy tsaboina ao amin'io hôpitaly io no tanjona amin'izao famalifaliana azy ireo izao, hoy ny Kardinaly Turkson. Nisaotra sy nankasitraka ireo mpanao "cirque" ireo ny talen'ny hôpitaly tamin'ny nitondrany hafaliana ho an'ireo marary sy ny fianakaviany ary ny mpitsabo sy ny mpiasan'ny hôpitaly mifarimbona amin'ny fikarakarana azy ireo.