Manameloka ny endri-panavakavahana rehetra ary nananatra ny mponina any Etazonia noho ny fisian’ny herisetra izay manimba ny rehetra i Papa François tamin’ny “Audience Générale” notanterahany tao amin’ny lapa apôstôlikan’i Vatican, omaly.

Manahy ny ho vokatry ny herisetra izay miha mahazo vahana taorian’ny nahafaty an’i George Floyd, ny alatsinainy 25 mai teo, izy. Tsy azo ekena, hoy ny Papa, ary tsy azo hodian-tsy hita ny endri-panavahana sy fanilikilihana ka sahy hilaza fa masina ny ain’olombelona. Tsy misy zavatra azo amin’ny herisetra, hoy hatrany izy, fa vao maika fahavoazana aza no aterak’izany. Naneho ny fiombonam-pony amin’ny Eglizy ao Minneapolis sy Etazonia manontolo ny Papa manoloana izao herisetra izao ary nivavaka ho an’ny fialan-tsasatry ny fanahin’i George Floyd sy ireo rehetra namoy ny ainy vokatry ny fanavakavahana. Nivavaka ho fankaherezana ny fianakavian’izy ireo koa sy ho an’ny fihavanam-pirenena hisian’ny fiadanana.

[Miara-dàlana] Zoma 5 jolay 2024

♦ Tokony tsy hikely aina amin'ny fambolena, ny tantsaha: io no nanentanan'i Mgr Désiré Kardinaly Tsarahazana ny FTMTK tao amin'ny Diôsezin'i Toamasina, tamin'ny fanokafana ny Zaikabe androany... ♦ Mizotra mankany amin'ny fanarenana mandrakariva ny fiainana ary mila apetraka eo amin'Andriamanitra: io no hafatra ho an'ireo mpianatra tao amin'ny Lycée Saint Antoine, izay namarana ny taom-pianarana... ♦ Navoakan'ny Foibe misahana ny fampahalalam-baovao eo anivon'ny Fiketrahana Masina androany, ny fandaharam-potoanan'ny Papa François, mandritra ny fitsidihana apôstôlika hataony any amin'ny faritra Azia sy Oseania...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...