Notendren'i Papa François ho préfet-n'ny kongregasiona misahana ny fanelezana ny Vaovao Mahafaly, ny alahady 8 desambra teo, ny Kardinaly Luis Antonio Tagle.

Izy indray izany no mandimby ny Kardinaly Fernando Filoni izay voatendry ho lehiben'ny "Ordre  équestre du Saint-Sépulcre"-n'i Jerosalema. 62 taona ankehitriny ny Kardinaly Tagle ary Arsevekan'i Manille izy mialoha izao nanendrena azy izao. Nianatra tao amin'ny sekoly Saint-Andew (Paranaque) fony fahakeliny izy ary nanohy ny fianarana momba ny filôzôfia tao amin'ny semineran'i Saint-José any Manille sy ny teôlôjia tao amin'ny oniversiten'i Manille ihany. Nanohy ny fianarana  momba ny teôlôjia tao amin'ny "Catholic University of America" ny taona 1987 hatramin'ny 1991izay nahazoany ny "doctorat" amin'ny teôlôjia. Namasinina ho pretra ho an'ny arsidiosezin'i Manille tamin'ny 27 febroary 1982 ka nitàna andraikitra maro teo anivon'ny fiangonana nanomboka teo. Isan'izany ny naha-vikera azy tao amin'ny paroasy Saint-Augustin ny taona 1982-1983. Nanohy fianarana tany Rome ny taona 1985-1992 ary lasa vikera episkôpalin'ny relijiozy teo anelanelan'ny taona 1993 sy 1995. Lasa pretra tompom-paritany tao amin'ny Katedralin'Imus ny taona 1998-2001. Voahosotra ho eveka tamin'ny 12 desambra 2001 ary notendren'i Papa émérite Benoît faha-16 ho arsevekan'i Manille tamin'ny 13 oktobra 2011. Lasa Kardinaly tamin'ny 24 novambra 2012.

[Miara-dàlana] Alatsinainy 25 marsa 2024

♦ Notanterahana ny sabotsy 23 marsa 2024 ny Sampankazon'ny Tanora tao amin'ny Zone Antsirabe Renivohitra... ♦ Eo am-panatanterahana sy famitana ny Fiangonana ao Tsinjorano, izay zana-piangonan'ny Eglizy Saint Sauveur Antanety Distrikan'Ambohimena, ny ao amin'ny Diôsezin'Antsirabe, ankehitriny... ♦ Nanamarika ny faha-100 taonan'ny Antilin'i Madagasikara, ny tao amn'ny Diôsezin'i Toamasina...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...