Vahinin'ny Papa François tao Vatican, omaly alakamisy ny filohan'ny repoblikan'i Estonie, ramatoa Kersti Kaljulaid. Nihaona tamin'ny sekreteram-panjakana misahana ny fifandraisana amin'ny firenen-kafa, Monseigneur Gallagher, izy avy eo.
Fihaonana faharoa teo amin'ny roa tonta io tao Vatican io, taorian'ny namangian'ny Papa François an'i Estonie tamin'ny 25 septambra 2018. Nifantohan'ny dinik'izy ireo ny endrim-pifandraisana mahavelom-bola eo amin'i Vatican sy Estonie. Noresahina koa ny manodidina ny fanabeazana, ny fiarovana sy fiahiana ny voahary ary ny fiarahamonina amin'ny ankapobeny. Ankoatra ireo, voaresakana tamin'io fihaonana io koa ny momba ny raharaha iraisam-pirenena mafampana ankehitriny. Isan'izany ny toe-draharaha any Ukraine sy ny ho avin'i Eraopa.
