Namerina ny fanasana an’i Papa François hamangy an’i CROATIE ny lehiben’ny governemanta croate Andrej PLENKOVIC.

Isan’ny nivoitra tamin’ny fihaonany tamin’i Papa tao Vatican, omaly, izany. Fihaonana izay naharitra 20 minitra teo ho eo. Nitohy tamin’ny dinika niarahana tamin’i Kardinaly Pietro PAROLIN sy Monseigneur Richard GALLAGHER izany avy eo. Voaresaka tamin’izany ny momba ny fampiroboroboana ny fiaraha-miasa eo amin’i Vatican sy Croatie, ho an’ny tombotsoa iombonana. Noresahana ihany koa ny anjara andraikitr’i Croatie izay mitantana ny filankevitry ny vondrona eraopeana ato anatin’ny enim-bolana voalohany amin’ity taona ity. Tsiahivina fa efa nisy ny fihaonana voalohany teo amin’i Papa François sy ity praiminisitra croate ity tamin’ny volana oktobra.  

[Miara-dàlana] Zoma 5 jolay 2024

♦ Tokony tsy hikely aina amin'ny fambolena, ny tantsaha: io no nanentanan'i Mgr Désiré Kardinaly Tsarahazana ny FTMTK tao amin'ny Diôsezin'i Toamasina, tamin'ny fanokafana ny Zaikabe androany... ♦ Mizotra mankany amin'ny fanarenana mandrakariva ny fiainana ary mila apetraka eo amin'Andriamanitra: io no hafatra ho an'ireo mpianatra tao amin'ny Lycée Saint Antoine, izay namarana ny taom-pianarana... ♦ Navoakan'ny Foibe misahana ny fampahalalam-baovao eo anivon'ny Fiketrahana Masina androany, ny fandaharam-potoanan'ny Papa François, mandritra ny fitsidihana apôstôlika hataony any amin'ny faritra Azia sy Oseania...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...