Feno 150 taona tamin'ny alahady 2 febroary teo ny nanambaràna an'i Roma ho renivohitr'Italie ary nosokafana ofisialy omaly alatsinainy 3 febroary ny lanonana samihafa ho fanamarihana izany.

Nisy ny hafatra avy amin'i Papa François, mifandraika amin'izany, novakian'ny Kardinaly Pietro Parolin, natrehan'ny filohan'ny repoblika italiana Sergio Mattarella. Nivoitra tamin'io hafatra io ny nilazan'i Papa fa toeram-piantsonana ahitana famonjena ho an'ireo oloan sahirana sy ny mpifindramonina ary ny mpitsoamponenana i Roma. Tsy natao ho an'ny faharatsiana ity renivohitra italiana ity, hoy Papa tamin'nny hafany, fa loharanon'ny mahaolona. Notsiahiviny ireo taona maro nisian'ny fanjakazakan'ny NAZI sy ny nanatanterahana ny Kaonsily Vatikana faharoa ka namirapiratan'i Roma ho toa ny toerana niraisan'izao tontolo izao tamin'nny fifanakalozan-kevitra ekiomenika sy ho an'ny fandriampahalemana.