Marihana isaky ny 8 jona ny andro erantany ho an’ny ranomasina, araka ny nametrahan’ny Firenana Mikambana azy.

Daty izay arahin’ny Fiketrahana Masina noho ny fandalàny sy ny fanajany ny ranomasina izay sokajiana ho vakoka iombonan’ny taranak’olombelona. Tamin’ny taona 1992, nandritra ny fanatanterahana ilay Fihaonana an-tampony momba ny Tany, natao tany Rio de Janeiro any Brésil no nanombohan’ny fanamarihana io datin’ny 8 jona io. Tanjona ny hanomezana lanja ny ranomasina sy hanentanana ny mponina amin’ny fanajana izany noho izy manana andraikitra goavana amin’ny fiveloman’ny olombelona. Zavadehibe ny fanajana ny ranomasina noho ny fisian’ireo zavamanan’aina samihafa ao aminy. Zavamanan’aina izay mitondra vokatsoa ho an’ny olombelona, toa ny « protéines » avy amin’ireo hazandrano samihafa, azon’ny mponina miisa 3 tapitrisa sitrahana. Ankoatra izay, misintona ny 30% -n’ny entona CO2 vokarin’ny olombelona ny ranomasina ary mampihena ny fiantraikan’ny antsoina hoe: « gaz à effet de serre » amin’ny toetany sy ny fihafanan’ny tany. Isan’ny laharam-pahamehana ho an’ny Fiketrahana Masina noho izany ny fiarovana ny ranomasina.