Tanterahina manomboka ny alatsinainy 8 jona ilay hetsika ara-barotra mandeha amin'ny tambazotra sosialy ao Vatican, antsoina hoe "We run together" na hoe "Hiara-hihazakazaka isika".

Nankatoavin'i Papa François ny fanatanterahana io hetsika io. Tanjona ny hitadiavam-bola ho fanampiana ireo mpiasan'ny hôpitaly italiana ao Brescia sy Bergame, isan'ireo tena lasibatra amin'ny fandraisana ny olona mararin'ny covid-19. Hamidy amin'izao hetsika izao ny kojakoja fampiasa amin'ny fanatanjahantena samihafa, nataon'ny olona fanomezana ho an'i Papa François. Isan'izany ilay bisikileta manokana natolotr'i Peter Sagan, teratany slovaque sady tompondaka amin'ny hazakazaka am-bisikilety, ho an'i Papa François. Mikarakara izao hetsika izao ny ekipa misahana ny atletisma ao Vatican sy vondona mpanao fanatanjahantena italiana samihafa. Haharitra 2 volana moa izao hetsika fitadiavam-bola ho fanampiana ny mpiasan'ny hôpitaly any Italie izao. Manandratra hatrany ny fanatanjahantena i Papa François ka sokajiany ho toa ny fitaovana fampitoviana lenta sy hisian'ny fifampizarana ary fitaovana hampanjakana ny fiadanana sy ny firaisankina izany. Nanentana ny rehetra handray anjara amin'izao "hazakazaka" izao amin'ny fo tokoa izy, araka ny efa nambarany tamin'ireo mpikarakara ny hetsika tamin'ny 20 mai lasa teo.

[Miara-dàlana] Alatsinainy 17 jona 2024

♦ Nankalazaina tamin'ny sabotsy sy alahady lasa teo ny Andro Maneran-tany faha-58 ho an'ny Fifandraisan'ny Mpiara-belona, teto amin'ny Diôsezin'Antananarivo... ♦ Masera dimy mirahavavy ao amin'ny fikambanana Fo Masin'i Jesoa no nanonona ny voady mandrakizay tao amin'ny fikambanana, ny sabotsy lasa teo... ♦ Mamafy ny Evanjely, ary miandry amim-pitokiana ny fitombon'ny voa nafafy, io no nivoitra tamin'ny fampianaran'ny Papa François mialoha ny vavaka Angelus omaly...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...