Feno 43 taona tamin'ny 28 mai teo ny nanamasinana ho Eveka ny Papa Emérite Benoît faha-16. Fanamasinana notanterahina tao amin'ny katedraly Notre-Dame de Munich any Allemagne.

Nanendry azy ho amin'io toerana io ny Papa Paoly faha-6 izay efa olomasina ankehitriny. Iray volana taorian'io fanendrena ho Eveka io dia efa notendrena ho Kardinaly sahady i Monseigneur Joseph Ratzinger. Nitàna ny toeran'ny Arsevekan'i Munich sy Freising nandritra ny 5 taona izy, teo anelanelan'ny 28 marsa 1977 hatramin'ny 15 febroary 1981. Nantsoin'i Papa Joany Paoly faharoa ho Préfet-n'ny sampana miandraikitra ny fampianaram-pinoana tao Rome nandritra ny 24 taona, nanomboka ny 25 novambra 1981 hatramin'ny 19 avrily 2005. Voafidy ho Papa tamin'ny faha-19 avrily 2005 ny Kardinaly Ratzinger ary nandray ny anarana Benopit faha-16 teo amin'ny faha- 78 taonany. Nametra-pialàna tamin'ny andraikitra naha-Papa azy izy ny 11 febroary 2013 ary efa 93 taona izy ankehitriny.

[Miara-dàlana] Alatsinainy 17 jona 2024

♦ Nankalazaina tamin'ny sabotsy sy alahady lasa teo ny Andro Maneran-tany faha-58 ho an'ny Fifandraisan'ny Mpiara-belona, teto amin'ny Diôsezin'Antananarivo... ♦ Masera dimy mirahavavy ao amin'ny fikambanana Fo Masin'i Jesoa no nanonona ny voady mandrakizay tao amin'ny fikambanana, ny sabotsy lasa teo... ♦ Mamafy ny Evanjely, ary miandry amim-pitokiana ny fitombon'ny voa nafafy, io no nivoitra tamin'ny fampianaran'ny Papa François mialoha ny vavaka Angelus omaly...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...