Natokana ho androm-pivavahana sy fifadin-kanina ary fanaovana asa soa ny andron’ny 14 mai, araka ny tolokevitry ny »Haut Comité pour la Fraternité Humaine » ka nankatoavin’i Papa François.
Androm-bavaka tsy anavahana finoana fa anentanana ny rehetra handray anjara amin’izany, hitalahoana ny famindrampon’Andriamanitra, hanafaka ny olombelona amin’izao valanaretina covid-19 izao. Isan’ny miombom-po amin’ny fanatanterahana izany ny kristianina sy ny silamo any Liban. Tsy ny valanaretina covid-19 ihany, hoy Papa François no tokony hitalahoana amin’Andriamanitra ny fijanonany ny hanohanana sy ny ady koa izay azo sokajiana ho valanaretina mandrikapa olona an-tapitrisany isan-taona. Navoitrany tamin’ny Eokaristia Masina notarihany tao amin’ny lasapelin’ny Maison Sainte-Marthe, androany, ny momba izany.
