♦ Nihatra nanomboka ny maraina teo ny saran-dalana 600 Ariary ao an-drenivohitra sy ny fiakarana 100Ariary ho an'ny zotra manodidina. Efa niroso tamin'izany avokoa ny ankamaroan'ny zotra rehetra, taorian'ny hevitra tapaka, omaly... ♦ Milaza fa mahita firenena vahiny vonona hamatsy solika an'i Madagasikara amin'ny vidiny mirary ny antoko Otrikafo. Miankina amin'ny finiavana politikan'ny mpitondra hiala amin'ny gejan'ireo kaompanian-tsolika misy eto amintsika no hahatanteraka izany, hoy izy ireo... ♦ Mitaraina amin'ny fitondram-panjakàna ireo fokonolona any Ambalalova-Avaratra, Ambalavao-Tsienimparihy. Alain'olom-bitsy ny tanin'izy ireo 8 ha, araka ny fitarainan'ny solontenam-pokonolona tonga aty an-drenivohitra...