♦ Olon-tsotra 12 sy  mpitandro ny filaminana 4 no naratra omaly, vokatry ny hetsika nisy tany Taolagnaro. Polisy sy zandary 32 ihany koa no nataon'ireo mponina takalon'aina, manoloana ny raharaha misy eo amin'izy ireo sy ny orinasa QMM... ♦ Tsy maintsy hisy ny tatitra ara-bola eo anivon'ny Antenimeram-pirenena, hoy ny filohany omaly, manoloana ny fitakian'ireo solombavambahoaka sasany ny fitantanana ara-bola eo aniovn'ity andrim-panjakàna ity... ♦ Mitaky ny hanafainganana ny famoahana ny didy fampiharana ny fanonerana ireo niharam-boina, noho ny krizy politika teto Madagasikara ny Federasion'ny Gadra Politika. Ankasitrahan'izy ireo ny fisorohan'ny CFM amin'ny fanaovana Fampihavanam-pirenena...