• Eto izao ianao :  
  • Fandraisana
  • Fandaharana
  • Kolontsaina
  • Tantara

Lohahevitra : Tantara

Naly sy Tefy ary Bakoly dia mpinamana tsy mifankafoy. Tefy sy Bakoly dia mifankatia anefa noraran'i Rain'i Bakoly ary nibedesany an'izy roa mafy, niafara amin'ny fikampohan'ny rainy an'i Bakoly. Sarindra sy Fanja dia mpinamana ihany koa ary misedra olana tahaka an'i Tefy sy Bakoly. Raiki-pitia tamin'i Fanja i Tefy ary niezaka nitady hevitra rehetra hampivelarana ny fifankatiavany.

Lohahevitra : Tantara

Mpinamana niara-nianatra tany Antananarivo i Tovo sy Dera ary Seheno, nampan-kevitra ny hiala sasatra any amin'ny toerana niavian'i Dera izay misy ny ray aman-dreniny. I Dera sy Seheno dia mpifankatia ary manana fikasàna ny hivady. Noraisin'ny ray niteraka an'i Dera tamin'ny hafaliana izy telo mianadahy. Nisaram-panambadiana i Tovo, naneho fahavononana hanampy azy amin'ny fitadiavam-bola hivelomana ny rain'i Dera, ary nanampy azy koa ity farany.

Lohahevitra : Tantara

Nantsoina hoe "Edena" ny anaran'ilay tanàna satria nifankatia sy nahay nifanampy ny olona tao, nilamina ny tanàna, feno arena ankibon'ny tany : volamena sy vatosoa ; anefa nisy ihany ny olona nanana toetra ratsy toy ny fialonana sy fitsiriritana. Mpinamana i Manjompiaka sy i Eva. I Manjompiaka dia olona mazava fo sy saina ary manana fahitana ; i Eva dia manana fanomezam-pahasoavana toy ny fitsaboana ara-boajanahary, anefa mbola naniry ny hifehy ny tanàna manontolo tamin'ny alalan'ny tehina miendrika menarana izay sampiny.

Lohahevitra : Tantara

Nifamaly matetika i Nivo sy ny reniny, noho ny tsy fahafantarany ny ray niteraka azy. Niziriziry ny tsy hilaza ny momba ny rain'i Nivo ny reny niteraka azy. Nifankahita tamin'i Soa, teny an-dalana i Nivo, ka iry voalohany no nilaza fa zokin'i Nivo, nanazava i Soa fa iray ny rain'izy roa vavy dia ingahy Ravelosoa. Nampahafantarin'i Soa an'i Nivo fa manana zoky miisa 4 izy, nilaza moa i Soa fa misy ny boky nosoratan'i Ravelosoa, rain'izy ireo, mikasika ny tantaran'izy ireo, nisy sary ihany koa porofo.

[Miara-dàlana] Zoma 3 mey 2024

♦ Notendren'ny Papa François ho Evekan'ny Diôsezin'i Maintirano, i P. Rakotoasimbola Clément Herizo, Misiôneran'ny Lasalety, Vicaire délégué de l'Administrateur Apostolique ao Maintirano ankehitriny... ♦ Ankalazaina amin'ity taona 2024 ity ny faha-150 taona niorenan'ny fikambanan-dry Masera Saint Paul de Fribourg ka hisy ny fanamarihana izany amin'ny volana jona ho avy izao... ♦ Aina mitantana ny fiainan'ny kristianina sy mitarika aza hanara-dia an'i Kristy ny finoana, hoy ny Papa François, nandritra ny fampianarany tamin'ny Audience générale, ny alarobia teo...

Tohiny...

Famantarana ny fitiavan'Andriamanitra antsika ny Noely

Noho ny fetin'ny Noely, Fankalazana manetriketrika ny nahaterahan'i Kristy Mpamonjy an'izao tontolo izao, dia manafatra ary miray soa ho antsika i Mompera Bizimana Innocent, Lehiben'ny Salezianin'i Don Bosco eto Madagasikara sy ny Nosy Maorisy.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...