Alarobia 28 jolay 2021 — Herinandro fahafito ambin'ny folo mandavantaona — Alao tampina ny masoko, ry Tompo, hibanjina ny zava-mahagaga amin’ny lalànao — Evanjely Masina nosoratan'i Masindahy Matio 13, 44-46

Olom-bitsy no nitantaran’i Jesoa ny fanoharana mahakasika an’ilay rakitra sy voahangy. Ireo mpianany, izay natao hitory ny Fanjakan’ny lanitra eran’izao tontolo rahateo, izao no nampahalalainy azy ity. Toa izao àry ny hafatra tian’i Jesoa hampitaina amintsika mahakasika an’io fanoharana io : fananana sarobidy tsy manam-paharoa ny Fanjakan’ny lanitra ary mitondra hafaliana marina sy maharitra ny fananana azy io. Asaina àry isika kristianina, mba hikatsaka azy io amim-paharetana tokoa sy amin-kafanam-po, toy ny nataon’ilay mpiasa tany sy ilay mpivarotra izay voatery nivarotra izay nananany rehetra mba hahazahoany an’io harena miafina io.

Tsy ampy ny mibanjina na ny tsy miraharaha ny Fanjakan’ny lanitra, fa mila misafidy isika na tsia ; aoka hitady izay fomba hahitana azy io isika, eny fa na amin’alalan’ny hafetsefetsena ihany koa izany, raha tsy maintsy ilaina. Marina fa mitaky fandavan-tena ny hahazoana azy io, kanefa toa tombon-tsoa aza no azo rehefa tanteraka izany.

[Miara-dalana] Zoma 24 septambra 2021

♦ Fanamasinana ho pretra sy ho diakra, fankalazana ny taom-bolafotsin'ny FFVA, ary fitsofan-drano ireo mpitarika APV : ireo no hanamarika ny ivon'ny fankalazana ny faha-160 taona nitoriana an-kalalahana ny finoana teto Iarivo, amin'ny alahady 26 septambra izao... ♦ Nomarihana tamin'ny faran'ny herinandro teo ny fetin'ny Lakroa Masina, mpiaro ny Aumônerie Catholique Militaire ao amin'ny Arsidiosezin'i Toamasina... ♦ Namoaka ny laharana voalohany amin'ny tahirin-kevitra siantifika "Ilon-tsaina" ny Ivon-teorana Arrupe eny Faravohitra, eo ambany fiahian'ny Fikambanan'i Jesoa...

Tohiny...

Sady mpanabe no mpitory Vaovao Mahafaly

Ry havana, migadona ity ny taona vaovao 2021. Koa amin’ny anaran’ny Fikambanana Salezianin’i Don Bosco eto Madagasikara sy ny Nosy Maorisy izay eo ambany fitantanako, no iarahabako antsika mianakavy Tratry ny Taona. Mirary ny soa sy ny tsara ary ny fahombiazana ho an’ny isambatan’olona sy isan-tokantrano.

Tohiny...

Tondrozotran'ny Firohotan'ny Tanora Salezianina

Ny sabotsy 31 jolay 2021 tamin'ny 2 ora sy sasany folak'andro lasa teo, oran'ny Roma, no notanterahana ny fivoriambe nataon'ny tompon'andraikitry ny MSJ (Mouvement Salésien des Jeunes) na Firohotan'ny Tanora Salezianina maneran-tany, izay niarahan'izy ireo tamin'i solontenan'ny pastoralin'ny tanora sy ny mpandrindra an'ity MSJ ity. Araka ny atontan'isa dia nahitana mpandray anjara miisa 130 tamin'ity fivorianam-be ity.

Tohiny...