Anisany mbola vitsy mpahalala ny mahakasika ny fianarana sy ny tontolon'ny asa sôsialy. Tsara ny manamarika fa tsy asa soa ny asa sôsialy fa fanampiana ary ihany koa fikatsahana ny fampivoarana sy hampiroborobo ny fiovana eo amin'ny maha olona sy ny tontolo ara-tsôsialy, ny famahana ny olana mifandraika amin'ny fifandraisan'ny olombelona, ny fahaiza-manao ary koa ny fanafahana ny tsirairay na vondron'olona mba hanatsarana ny fiainany amin'ny ankapobeny.
Ankoatra izay ny mpanao asa soa mizara zavatra, manome zavatra fa tsy mijery hoe inona no vokatr'iny zavatra nataony iny avy eo, fa ny mpiasa sôsialy kosa dia mijery mandrakariva ny fiatraikan'ny asany teo amin'ilay olona. Arahintsika ny fanadihadiana niarahana tamin'ny tanora vitsivitsy mahakasika ny fahalalan'izy ireo sy ny fahalinany amin'izay asa sosialy izay. Fivampizarana loha-hevitra niarahana tamin'i Ramatoa kely Sarah, izay mpanabe.
