Nanatsara ny famokarana zezika kankana nofotorany nandritra ny taona maro Andriamatoa Ranaivoarisoa Basile, fantatry ny maro amin'ny solon'anarana Papa Bio... 

Ankoatra ny maha singa mamokatra ny zezika kankana dia nahita hirika i Papa Bio fa mamono bibikely mpanimba voly ity zezika novokariny ity. Mampandositra lalitra ihany koa araka ny andrana nataony. Singa ahafahana manadio tanàna koa ny fampiasàna azy.

Azo ampiasaina amin'ny karazam-boly rehetra ity zezika kankana voka-pikarohan'i Papa Bio ity. Manatsara ny tsiron'ny sakafo izay vokatra bio tsy misy taharo simika ka manatsara ny fahasalamana.

Tantsaha mpikaroka, mpisehatra amin'ny tontolo ambanivohitra tsy nitsaha-nikaroka mba hampalavorary ny fampandrosoana eny ambanivohitra i Papa Bio ka amin'ny alalan'ny famokarana biolojika, miainga avy amin'ny fampiasàna ny zezika kankana no ilofosany.