Fambolem-bary ety afovoan-tany : mivaha ny olana amin'ny tsy fahampian'ny Faosifaoro. Andalam-panandramana ao amin'ny kaominina Ambanivohitra Behenjy, distrika Ambatolampy ankehitriny ny P-Dipping. Nisy ny fampisehoana ny fahombiazan'ity teknika ity ny 26 febroary teo... 

Olana mipetraka amin'ny nofon-tany ety afovoan-tany ny maha asidra be azy sy ny fisian'ny ôksidanà vy sy ny ôksidanà alimo ao aminy izay singa mihazona ny Faosifaoro tsy ho trohan'ny vary maniry ka tsy ahafahany mahazo ny faosifaoro sahaza azy. Ny faosifaoro izay isan'ny singa tena ilain'ny vary ahafahany mitombo tsara sy mamokatra ihany koa.

Fomba iray handonahana ny tanimbary ho an'ny ety anivon-tany ny teknika P-Dipping. Mifototra amin'ny fandomana ny fakam-bary amin'ny ranon-jezika misy faosifaoro mialohan'ny hanetsana azy na ny P-Dipping. Mampitombo haingana ny vary ambolena ny fampiasàna ny teknika. Mampihena atsasany ny zezika ampiasaina sy ny vola lany ihany koa. Mihafohy ny tsingerim-panirin'ny vary ary mahatohitra hain-tany ny voly vary ampiasàna ny P-Dipping.

Teknika tsotra azon'ny tantsaha ampiasaina tsara ny P-Dipping raha ny andrana natao tao amin'ny fokontany Ambohikambana, kaominina Behenjy, distrika Ambatolampy. Nitombo 20% hatramin'ny 30% ny voka-bary. Tsy tao Behenjy ihany no nanaovana andrana toa izao fa natao koa izany tany amin'ny kaominina miisa 05 hafa tany amin'ny faritra Vakinankaratra, dia ny tany Ambohibary, Antanifotsy, Faratsiho, Betafo Ary Ankazomiriotra. Mpamboly 300 isa no nosafidiana mba hampiantra azy.

 

[Miara-dàlana] Alatsinainy 22 septambra 2025

• Sarotra ny mitory kanefa meteza hanoha riana, hoy ny fampianarana nentin'i Mgr Marie Fabien Raharilamboniaina, Filohan'ny Fivondronamben'ny Evekan'i Madagasikara, nandritra ny toriteny nataony tamin'ny fanamasinana ho eveka an'i Mgr Mamiarisoa Modeste Randrianifahanana... • Miisa 564 mianadahy ireo andiany, nisalotra ny anarana Masindahy Augustin, navoaka tamin'ny sabotsy 20 septambra 2025, avy eo anivon'ny Mpikabary Katolika... • Tantano amim-pirahaliana sy amim-pahendrena ireo haren'ny tany, hoy ny Papa Léon XIV, tamin'ny fandalinam-pinoana nataony nandritra ny Angelus omaly...

Tohiny...

Tsy misy afaka manavotra antsika afa-tsy Andriamanitra

I Jesoa Kristy, Ilay Zanak'Andriamanitra tonga olombelona, no fanantenana famindrampo sy fanavotana ho antsika olombelona.

Tohiny...

Zatti, rahalahinay

Ny horonan-tsary "Zatti, notre frère" (Argentina, 2020) dia manoritsoritra ireo vanim-potoana tena sarotra teo amin'ny fiainany. Tao Viedma no nitranga ny tantara tamin'ny taona 1941 : 60 taona i Zatti ary noterena handao ilay toeram-pitsaboana izay nikatrohany amam-polo taonany maro. Fitsapana mivaivay ho an'ny finoany sy ny herim-pony izany.

Tohiny...