Mikisaka any amin'ny faritr'i Menabe ny tsy fahampian'ny rano enti-mamokatra noho ny tsy fahampian'ny rotsak'orana. Misedra fahasahiranana noho izany ny mpamboly ka anairan'ny filohan'ny tranoben'ny tantsaha any amin'izany faritra izany ny tompon'andraikitra isan-tsokajiny hamaha ny olana...
Isan'ireo faritra niaina ny fahataran'ny rotsak'orana ny ao Menabe. Tsy toa ny isan-taona ny fambolena tamin'ity taona ity ka mety tsy toa ny isan-taona ihany koa ny vokatra miakatra. Vahaolana azo antoka hitohizan'ny famokarana tsy amin'izao taom-pambolena izao ihany fa ny amin'ny manaraka ihany koa hoy Ramatoa Rasoloniaina Veronique ny fanaovana lava-drano mba ahafahana manondraka ny fambolena. Faritra tena mamokatra mantsy i Menabe. In-droa mamoka-bary farafahakeliny izany faritra izany.
